搬屋小貼士

搬屋有啲咩可以事先準備好呢？以下係一啲小貼士等你搬屋日得心應手！

如果閣下由大嘅單位搬去一個比較細嘅單位，要注意新單位係咪可以容納到舊單位嘅傢俬物品。如果閣下有唔捨得棄置嘅傢俬物品，我哋提供存倉服務幫你儲起。

大單位搬去細單位

我哋嘅師傅都係「玉樹臨風」嘅大隻佬，如果有啲貴重/私人物品(內衣褲/重要文件)，我哋建議客人自行包好入箱，再交畀師傅搬去新址。

請注意所有需要鑽牆/掛牆/掛天花物件都需要另外收費，除非報價嘅時候已經列明上述項目，報價單會反映有關額外嘅收費。

搬屋貨車座位有限。如果客人需要跟車前往新址，請預先通知我哋，盡量作出適當嘅安排。

如果需要更改搬屋日期，請於5個工作天前通知我哋。臨時更改搬屋日子有可能需要收取額外費用。如果遇上突發嘅情況，我哋會酌情處理。

搬屋係斷捨離嘅好機會。搬屋前決定好需要棄置嘅雜物/傢俬，於報價階段列明有關物品。棄置傢俬需要另外收費。閣下亦可標籤須棄置物件，方便師傅搬屋日識別。

盡量避免搬屋日安排送貨/裝修。大多數情況新屋都會堆滿紙箱，如果搬屋途中要另外安裝新嘅傢俬就有機會影響進度。

大紙箱適合放置比較輕/大件嘅物品(床具用品/電器/玩具...)細紙箱適合放置比較重/細件嘅物品(書/文件/CD/健身器材...)

有啲屋苑需要搬屋前通知管理處，煩請盡早通知(新舊屋)管理處。

如果閣下需要某個特定時間前交屋，請盡早通知我哋。避免我哋安排唔夠嘅人手去清場，準時完成交屋嘅程序。